ياسمين عز: لو متجوزة راجل منوفي يا سعدك ويا هناكي

تحدثت الإعلامية ياسمين عز عن رأيها في الرجال من أبناء المنوفية ومميزاتهم، وقالت خلال برنامجها "كلام الناس" عبر فضائية "ام بي سي مصر":"لو متجوزة راجل منوفي يا سعدك ويا هناكي، ومش اي واحده تعجبه وخليكي عارفه لو اتجوزتي راجل من المنوفية ده انجاز لأن قراره جه بعد أيام من التحليل والمبحاثات انك الست اللي تستحقي يكمل حياته". 
وتابعت ياسمين:"المنوفية بلد الكرم وجوزك كريم وكل اللي في جيبه ليكي والمنوفي لا ينوفي مع البخل ويطلع اللقمة من بوقه ويدهالك وصعب تطلبي منه حاجه ويقولك لا وبيعمل المستحيل عشان ينفذ الطلب".
واستطردت عز:"الراجل هو اللي بينور الست، وصاحب المقوله دي كان يقصد بكلامه الراجل المنوفي وتخليها تشع نور وراجل قلبه كبير ويفهمك من غير ما تتكلمي". 
واختتمت ياسمين عز حديثها وقالت: "لو موجود كل رجالة الدنيا مع المنوفي في كيس تختاري المنوفي عريس، ومن السادات لبركة السبع المنوفي راجل سبع".